હાલો ગરબે રમીએ

એ....
હાલો હાલો હાલો હાલો....(ઢોલક પીસ)
હાલો માતાને ધામ
હાલો અંબાને ગામ
હાલો બહુચરને ધામ
હાલો રાધાને શ્યામ...
હાલો હાલો રે... એ...હાલો હાલો રે

હાલો દાંડીયા લઈ
હાલો કેડીયા મઈ
હાલો કંદોરા લઈ
હાલો હાલો ભઈ બઈ...
હાલો હાલો રે.... એ.... હાલો હાલો રે

હાલો ચાચરને ચોક
હાલો ગબ્બરને ગોખ
હાલો ગરબાને ચોક
હાલો મૂકીએ દોટ......
હાલો હાલો રે... એ... હાલો હાલો રે...

એ... હાલો...હાલો...હાલો...હાલો....

માડીના આંગણે ગરબે ઘૂમીએ
મનડું મુકીને ચરણો ચૂમીએ...
ભક્તિમાં ડૂબીએ આજ રે...
ગરબામાં ડૂબી જઈએ રે....માડીના
(હાલો...)

ચોક છે સાગર ગરબાનો સાગર
ગરબાનો સાગર ભક્તિનો સાગર..
સાગરમાં ડૂબીએ આજ રે...
ગરબામાં ડૂબી જઈએ રે....માડીના
(હાલો...)

ગુર્જર ધરા પર ઝૂમવા આવી
અંબા ગરબે ઘૂમવા આવી
સાથે સૌ ઝૂમીએ આજ રે...
ગરબામાં ડૂબી જઈએ રે....માડીના
(હાલો...)
અભણ અમદાવાદી